Bele dai ani urganisea la Cassa Raiffeisen Gherdëina un n iede al ann na bela jita. Chëst ann à pudù tò pert chëi cumëmbri che fova ala senteda generela  y che à abù la fertuna de unì trac ora ala busca.

N sada ai 25 de mei 2024 sons piei via bele daduman per jì a ti cialé ai ciamps dal riji dlongia Isola della Scala, n luech tra Verona y Mantua. N mëinaturisć nes à menà tres i ciamps dal riji y à dà n grum de nfurmazions nteressantes de coche crësc l riji.  On ënghe udù na bela vila rurela dl 1742 y po mo la "Riseria Ferron". Tlo ti on cialà plu avisa all'antica Pila Vecia,  ulache mo ncueicundì veniel lavà l riji.  Do na bona marënda sons piei de reviers furnan tres la Valpolicella. Speron che la jita ti ebe plajù ai cumëmbri che à tëut pert.