Cun l  sustëni dla Cassa Raiffeisen Gherdëina à i Destudafuech de Sëlva dan n valgun mënsc pudù se anjenië n drone modern dla sort DJI Matrice 30T. L nvestimënt te chësta tecnologica nueva sotrissea l mpëni per la segurëza dla cumenanza. L drone ie atrezà cun na termocamera, na camera ad auta resoluzion, motors y bateries potentes y na gran lum. Chësc ecuipajamënt modern cunsënt ntervënc de uni sort: dal sustëni tl aria ntan azions de crida de persones, a ntervënc tecnics, nchin ala localisazion a puntin di fuesc te caji de meldefuech.

I Destudafuech de Sëlva à bele fat plu proves y nce ntervënc cun l drone y a metù su na scuadra spezialiseda, che fej furmazions y alenamënc reguleres.

Da sotrissé iel ënghe che i Destudafuech de Sëlva mët a desposizion chësta tecnologia a duc chëi che l’adrova, coche autra urganisazions y lies che à de bujën de aiut.