Jita di membri dla Cassa Raiffeisen ann 2012
I soci dla Cassa Raiffeisen Val Badia che av vadagnè l’ iade in gaujun dl’assemblea generala dla Cassa tignida a La Ila ai 27.04.2012, à in sabeda 6 otober 2012 tut pert al bel iade.

L’presidënt dla Cassa Alfons Pezzei y l’diretur Obwegs Hubert à podü saludè 53 partezipan?  che à tut pert al iade.  Pian ia da duman dala Val Badia un le bus esun jüs cina a Portegrandi dlungia Aunejia. Da dailò ésun jüs inant cun la barca jö por l’Sile por jì a vijitè l’isola de “Torcello”. La laguna de Aunejia udüda dala barca à dër plajü. En fenomen natural delicat dles eghes y dl’ambiënt, ulach l’respet dla natüra à en gran valur. Deboriada esun spò jüs a vijitè l’isola de Torcello. L’ambiënt unich dl isola tira adarlerch trö? vijitadus che rüva da Aunejia cà cun la bara a vijitè l’isola. La dlijia ê bela infornida por na noza. Dedô esun jüs inant cun la barca sön l’Isola de “Burano”. En paesaje unich, i corusc dles ciases che dà vita y se spidlëia tla laguna tira ince chilò adarlerch tröpa jëna a vijitè la bela isola. Prò la “Trattoria da Romano” él stè por dü? na bona marëna de pësc.

Söl prüm domisdè esun spò jüs inant cun la barca söl “Isola dl Deserto” dedicada a San Francësc. L’cunvënt y la dlijia aministrà dai sis patri de San Francësch che vir sön l’isola, è en patrimone unich, che inviëia a se tignì sö y periè tles beles capeles dl cunvënt.

Dô chësta vijita esun indô jüs cun la barca fora tla Laguna y ite sö por l’Sile passan ciamò en iade dlungia les beles isoles ia. Ince söl têrt domisdè à l’paesaje unich dla Laguna y l’florî dl sorëdl lascè te dü? i partezipan? de beliscimes impresciuns. Cun le bus esun spò gnüs  de revers a ciasa tla Val Badia.