I oressun ves informé che la lege de bilanz 2024 contëgn na novité importanta por dötes les firmes:
l’oblianza da stlüje jö n’assiguraziun cuntra les catastrofes naturales:
tremoroz, rogossies, inondaziuns, roes y smöies.
Che é a sotmetüs a chësta oblianza?
Dötes les firmes, anfat de ci grandëza y de ci setur, é obliades da osservé chësta normativa nöia. L’oblianza reverda dötes les firmes cun la sënta legala tla Talia y les firmes che á la sënta legala foradecá cun na organisaziun stabila tla Talia, sotmetüdes al’iscriziun tl Register dles imprejes.
Nia sotmetüdes al’oblianza n’é les firmes agricoles, por chëres ch’al resta competënt le Fond mutualistich nazional por la curida di dagns da catastrofes (lege 234/2021).
Cina can pa?
I ultimi termi de adejiun é:
- por les firmes mesanes
(< 250 colaboradus / faturé ≤ 50 mln de € o bilanz ≤ 43 mln de €) --> 01 d’otober 2025 - por les pices y mëndres firmes
(< 50 colaboradus / faturé o bilanz ≤ 10 mln de €) --> 31 de dezëmber 2025
Cun la poliza Catastrofes Naturales podëise:
- Assiguré üsc bëgns dl’aziënda (fabricac, injins-implanc- mascinaríes, marcianzia, terac) da dagns gaujá da catastrofes sciöche tremoroc, rogossies, inondaziuns, roes y smöies.
- Osservé l’oblianza scrita dant dala lege y n’aprofité dles ressurses publiches sciöche contribuc, sovenziuns y alisiraziuns preodüs te situaziuns de evënc de desgrazies y catastrofes.
Ci sozedel pa tl caje de degöna adejiun?
Al ne vëgn apliché degöna sanziun aministrativa por la mancianza de adejiun; mo metede averda!
L’inosservanza dl’oblianza de assiguraziun ará conseguënzes negatives por l’assegnaziun de contribuc, sovenziuns y alisiraziuns finanziares publiches ince tl caje de evënc de catastrofes (art. 1 coma 102 y 107 lege 213/2023).
Chësc comporta che tl caje de evënc de catastrofes podess les firmes nia assigurades rové te na situaziun economica nia plajora zënza l’aiüt statal.
Ci fa?
I ves inviun da controlé adora assá sce osta aziënda é sotmetüda al’oblianza nöia de assiguraziun y ci bëgns che mëss gní assigurá. Implü ves inviunse da tó sö contat cun osc consulënt de fiduzia che é a desposiziun da chirí la soluziun plü adatada por ostes esigënzes de assiguraziun.