La Val Badia sciöche pionier

„Dô mia gran convinziun él ma un en meso por mioré la situaziun soziala y economica: porté ite i prinzips cristiansoziai tla sozieté cooperativa lëdia“, insciö a scrit Friedrich Wilhelm Raiffeisen. Les cooperatives lëdies se á ince slarié fora tla secunda pert dl 19° te Tirol. Tl ann 1889 él gnü costituí la prüma Cassa Raiffeisen te Südtirol sö Rina. Fondadù, presidënt y cassier é le ploan Ujöp Dasser. Dër gonot gnô les Casses Raiffeisen metüdes sö sön iniziativa de proi.

  

Solidarieté impede speculaziun

Sciöche comunité solidaria formëia les Casses Raiffeisen na alternativa ales gran banches privates y orientades al davagn. La gestiun speta ai mëmbri. „Chël che le singul n’é nia bun da fa vara da fa sce an mët adöm la forza de deplü“ F.W. Raiffeisen. Porchël vëgn i scioldi coiüs adüm tla Val Badia, ma investí tl medemo raiun. Implü vëgnl ince renunzié ala speculaziun sön le capital. Les idees de Raiffeisen ciafa tosc raisc ti Comuns tiroleji: 1892 laorel bele 45 Casses Raiffeisen dl süd dl Brenner. Dan la prüma vera röiun bele a 125 Casses.

  

Scomenciamënt nü dô la secunda vera

1925 ciafunse te Südtirol 135 Casses Raiffeisen. La politica de Ettore Tolomei cun la opziun, fesc ji dô l’ega fora deplü Casses. Tla perioda danter le 1934 y 1944 vëgnel stlüt bëgn 78 Casses. Pormó dô la fin la vera el meso  da mëter man danü. Tl ann 1960 nascel la Federaziun Raiffeisen Südtirol (dala fujiun danter la Federaziun dles Raiffeisen y les Cooperatives dl agricoltöra te Südtirol).