Jita di membri dla Cassa Raiffeisen ann 2014
Ince en chësc ann al’indunada generala di sozi dla Cassa Raiffeisen Val Badia, tignida a Corvara ai 27 de aurì 2014, él gnü metü a jì na roda dla fortüna por partezipé ala jita. I sozi fortunà y acompagnadus á la sabeda ai 27.09.2014 insciö podü partezipé

Le bel grup de 50 porsones acompagnà dal Presidënt dla Cassa Raiffeisen Alfons Pezzei y dal diretur Dr. Obwegs Hubert à insciö fat adöm  en bel iade. Le bel tëmp, la bela compagnia dl bel grup, la buna löna y le bel ?iantè adöm al bel program y bun mangé à insciö portè pro a fà garatè le bel dé.

 

Da doman se a le grup fermè a Desproch a vijité la “Bergisel Schanze”. L’imposanta strotöra dla Schanze alta 43,5 metri designada dala famoja architëta Zaha Hadid à dër plajü. L’architëta Zaha Hadid à in?e dessigné le Museum de Messner sön Plan de Corones . La Schanze fata sö dal 2001 al 2002 à costè passa 14 miliuns de Euro y é deventada le „Wahrzeichen“ dla cité da Desproch. Sö insom él en bel restorant cun na gran odüda panoramica lunc y lerch. Chilò à i partezipan? dla jita di sozi in?e ciafè en bun gostè. Informaziuns plü menüdes sura le Bergisel ciafun sot a:www.bergisel.info.

 

Dedô é le bus pié ia dal vers de Kufstein olache an é jüs a vijité le ?iastel “Festung Kufstein”, na fortificaziun imposanta sura la cité de Kufstein. La fortificaziun de Kufstein é bel nominada dl 1205 inlaôta ?iamò de proprieté dl Herzog Ludwig y dl vësco da Regensburg. Tl 1814 röia indô tla proprieté sot a Tirol y aldedaincö é le gran ?iastel de proprieté dl Comun da Kufstein. Dër conesciüda é in?e tl ?iastel la “Heldenorgel” che cun le sonn che passa fora por 4.948 pipes recorda vigni dè dales 12:00 i tröc tomà tla pröma y secunda vera. An l’alda cina 8 km dalunc. Tla fortificaziun vëgnel in?e tenü sö pro mësa y mangé sciöche ai tëmps di “?iavaliers”. I partezipan? la jita di sozi dla Cassa Raiffeisen à chilò podü marnè, se tignan a dötes les regoles dl bun mangé di „ ?iavaliers “. Sce an ne respetâ nia chëstes regoles spo gnô les mans „sarades ia“ y an ne podô nia plü mangé inant. Na bela vijita fora por les beles contrades dla cité vedla da Kufstein à stlüt jö chësta vijita. Deplö informaziuns sura la Fortificaziun da Kufstein pon ciafè sot a www.festung.kufstein.at.

 

Söl iade zoruch tla la Val Badia se à le grup ciamò archité a Neustift pur na degustaziun de vins y na buna cëna.