Ast impormò stlüt jö i stüdi y proietëis l’entrada tl monn dl laûrc' Te stas cun fistidi por to dagnì, suradüt por la ponsiun dla vedla eté (che sará por i jogn tres plü mëindra)? La Cassa Raiffeisen Val Badia adüm cun Pensplan y la Regiun Trentino Südtirol, te dá sostëgn da chirí fora le dërt tru por ciafè la soluziun ideala por to bojëgn.

Cun na adejiun al Fond dla Ponsiun Raiffeisen pos te mëter al sigü le dagnì!!!

I jogn é chiche sará tocá deplü dales reformes dla ponsiun Monti-Fornero dal 01.01.2012:

·        Variaziun dles condiziuns por la ponsiun d’anzianité

·        Introduziun dla ponsiun antizipada

·        Estenjiun dl sistem contributîf por düc' i laranc'

·        Avaliamënt dles condiziuns por la ponsiun ala dorada de vita

y che ciafarà na ponsiun plü picera, ince sce ai laurará plü dî. Porchël na adejiun al Fond dla Ponsiun é dër importanta.

Sciöche dependënt pos ince versè le TFR (tratamënt de fin raport de laur) tl Fond dla Ponsiun. Sce l’adejiun é sön la basa coletiva (cun acord aziendal o statal) pos ince aprifité di contribuc' dl datur de laur. A chësc contribut ne as nia dërt sce te lasces le TFR te aziënda.

Versan le TFR tl Fond dla Ponsiun aste ince atri vantaji, co le lascé te aziënda (garanzies dla Regiun, manco cutes por antizipaziuns, i rendimënc' é ince sta ti ultimi agn plü alc' co le TFR tl aziënda). P.e. dal 2014 cina sëgn le rendimënt dl linea activity (risch mesan-alt) é stè de +11,45% chël dl TFR tl aziënda ma dl dl 3,07%.

Ince por le datur de laûr che versëia le TFR y le contribut por i dependënc' te en Fond dla Ponsiun, á le legisladú preodü deplü benefizi fiscai y contributivi. Chësc por compensè la predita de liquidité da pert dl aziënda. P.e. na aziënda cun 10 dependënc' che á en TFR de 20.730€ che vëgn versé a en Fond dla Ponsiun á en benefize diret de ca. 1.550€ al ann, co sce al ess lascè chësta soma te aziënda (dac' COVIP).