La filiala da La Ila é gnüda renovada

Do 32 agn á la Cassa Raiffeisen Val Badia renové la filiala y i ofizi assiguratifs da La Ila. I laurs á metü man ai pröms d’aurí cun la previ­jiun da daurí i locai dla filiala ala fin de messé. Y insciö éra ince stada.

Ai 26 de messé 2024 á la Cassa Raif­feisen Val Badia podü inauguré la filiala nöia, che é gnüda proietada por les esigënzes atuales dla clien­tela; na strotöra moderna che tëgn cunt di debojëgns de consulënza y discreziun che vëgn damaná alde­daincö. Do che le diretur Hubert Obwegs á saludé la jënt gnüda ala daurida, ál cunté sö en cört la sto­ria dla Cassa Raiffeisen a La Ila, y á porté dant na panoramica sön i laurs fac y á rengrazié i proietanc y dötes les dites che á lauré y por­té pro al garaté dl fabricat nü. Spo él sté siur degan Iaco Willeit che á cherdé jö la benedisciun sön la filia­la nöia ti auguran döt le bun ai co­laboradus iló operatifs. Dedô á döta la jënt gnüda ala festa podü vijité i locai nüs y al n’á nia mancé n bufet cun val’ da mangé y da bëre.

Ti ultimi agn él gnü renové daim­proia presciapüch dötes les filiales ince por les adaté ai standard ener­getics y sostenibli nüs. Ofizi fun­zionai vá sambëgn ince a bëgn de nüsc co­laboradus, che pó se lauré plü saurí.