56° Concurs de Dessëgn Raiffeisen 2026

“Descurí le mer” chësc é le titul dla 56° Concurs de Dessëgn Raiffeisen, olache i scolars/es dlesscores elementares de San Martin, La Val, Lungiarü y Antermëia y la scora mesana de San Martin á partezipé.

I pici artisć á albü dui mëisc de tëmp da porté sön papier la vita ti mers y ozeans y sciöche nos podun contribuí por tigní inant chësc monn afascinant sot ega. De aurí 2026 se á incunté la iuria, metüda adöm da esperc tl ciamp dl’ert, Irina Tavella, Nadia Moling y Markus Moling, por valuté i 293 dessëgns. La iuria á valuté a sistem anonim i bi messaji, l’originalité, l’talënt artistich, la lezitënza, la fantasia, i corusc y ince la tecnica d’esecuziun.

Cun les premiaziuns y la surandada di pesć se á stlüt jö le concurs a livel de valada. La premiaziun a San Martin de Tor é gnüda acompagnada dal artist de magia Markus Gimbel. Tratan la premiaziun a La Val él sté Gabriel Trebo che á porté dant süa gran pasciun por le sport dl sub y deplü coriosités interessantes di tiers y plantes sot ega.

Le Concurs Internazional de Dessëgn Raiffeisen á n fin de bëgn, olache le Raiffeisen Hilfsfond surandëia vigni ann € 0,50 á dessëgn a na lia de Südtirol, che se dá jö cun mituns che á debojëgn. In chësc ann ti vá la spënora ala organisaziun “AEB -Aktive Eltern von Menschen mit Behinderung VFG” che se dá jö cun families de mituns cun dejabilité.

N gran complimënt a düc i mituns y mitans por i bi capolaurs! I sëis düc de pici artisć!

Le proscimo ann tocarara ai scolars dl comun de Badia cun le titul “Fantasia”. Se la confortun bel da odëi i capolaurs.