Premies de stüde 2025
„La Cassa Raiffeisen Val Badia surandá € 8.900 de premies de stüde!“
Tl ademplimënt dles finalités statutares dla sozieté cooperativa, á la Cassa Raiffeisen Val Badia scrit fora le concurs por l'assegnaziun de premies de stüde ince por l'ann de scora y academich 2024-25. La partezipaziun é resservada ai cliënc sozi o fis/es de sozi dla Cassa Raiffeisen Val Badia, che á stlüt jö i ejams dla scora alta cun na valutaziun minima de 95 punc sön 100, ejams da artejan cualifiché cun minimo 9,5 punc sön 10 o dl'université cun na valutaziun minima de 105 punc sön 110.
Bëgn 21 scolars y studënc dla Val Badia á dé jö la domanda por l’ann 2024-25 y á podü pié do la premia por so gran impëgn, süa lezitënza y dantadöt por so mirit.
La manifestaziun de assegnaziun dles premies é gnüda tignida en vëndres, ai 14 de novëmber 2025, a San Martin de Tor, olache
- 8 maturanc dla scora alta é gnüs premiá cun € 300 y
- 13 studënc dla université cun € 500.
Ince in chësc ann ê la resposta tlera ala domanda, te ci che i studënc investará la premia. Ara sará de gran aiüt por corí i cosć de stüde, de formaziun y spezialisaziun.