Concurs internazional de dessëgn Raiffeisen
Storia
Le concurs de dessëgn nasc tl ann 1968 por recordanza di 150 agn dala nasciüda de “Freidrich-Wilhelm Raiffeisen”, fondadú dles banches cooperatives. Tl ann 1970 é gnüda tignida la pröma ediziun, ispirada ala sensaziun dl arsida de “Apollo 11” sön la löna. Le concurs de dessëgn Raiffeisen é aldedaincö le plü gran concurs de dessëgns al monn cun plü de 1 miliun de partezipanc partís sö te 21.000 banches cooperatives. Al tol pert la Talia (Südtirol cun plü de 11 mile partezipanc), Austria, Deutschland, Schweiz, Francia, Finnland, Luxemburg, Canada y Japan.
Informaziuns y regolamënt
- I partezipanc vëgn partis sö te trëi grups:
1°grup: 1a y 2a classa dla scora elementara
2°grup: 3a, 4a y 5a classa dla scora elementara
3°grup: 1a, 2a y 3a classa dla scora mesana - Le dessëgn pó gni realisé cun vigni sort de tecniches, corusc y esclusivamënter sön les plates personalisades, che vëgn consegnades te scora.
- I dessëgns ne pó contigní degöna scrita, foto o ater che identifichëia le/la artist/a.
- L’esecuziun pitorica pó ma gni eseguida tla strutöra scolastica.
- Düc i partezipanc mëss lascé firmé a en genitur le documënt de privacy.
- Vigni mëmber dla iuria locala (a livel de valada), che vëgn chirí fora dala banca é artisc y/o esperc tl ciamp dl êrt y ne pó nia ester n genitur de partezipanc.
- La iuria se incunta cun dui colaboradusc dla banca por la valutaziun. Düc i dessëgns á grup/scora vëgn metüs fora sön mësa y la iuria chira fora anonimamënter i dessëgns plü garatá. Le colaboradú dla banca scri protocol y tëgn nota di inoms dl terzo, secundo y pröm post cun la motivaziun.
- Al vëgn premié le pröm, secundo y terzo post de vigni grup/scora.
- Vigni partezipant á la poscibilté da davagné.
- Ala valutaziun provinziala vëgn mené inant trëi dessëgns dl pröm post a livel de valada, che vëgn chirís fora tres dala iuria locala (livel de valada → livel provinzial → livel europeich/internazional).