Plans Individuai de Sparagn – PIR

Stüdies por avantajé investimënc tl’economia reala taliana

Öna dles plü importantes novites dla lege de bilanz de jená dl 2017 é l’inserimënt  di plans individuai de sparagn (Piani Individuali di Risparmio – PIR).
L’idea é chëra da porté  na pert di sparagns di zitadins taliagn tl’economia reala taliana y des ester spo de vantaje por le sistem imprenditorial talian y süa chersciüda.
Chisc scioldi va a daidé chëres aziëndes co á dificolté a rové pormez ala börsa taliana y á capazité limitada por se finanzié tres les banches.
Les Pmi (Piccole e Medie Imprese) talianes é en gran patrimone d’ezelënza por nosc paisc, cun gran potenzial ciamo nia porté a fin; na sorpresa co portas de bi davagns tles gofes di sparagnadus.

Le zitadin talian che investësc  te chisc produc, pó cunté sön agevolaziuns por ci che reverda la tassaziun di davagns co pó nasce da n te investimënt y enplü ne vëgnel nia araté cutes de eredité sce la porsona che á n te sparagn es da gní a mancé.

Danter les condiziuns che é scrites dant por avëi chisc vantaji, ciafunse limitaziuns sön le capital che vignun pó investí  tl tëmp, le dovëi da ester  zitadin talian y la limitaziun da tigní le sparagn  por almanco 5 agn.

Chi che ó investí te en PIR des sambëgn tó en conscideraziun ince le risch che alda lapro:
-  geograficamënter se limitëia l’investimënt por almanco le 70% al paisc Italia
-  les oblianzes metüdes dant dala lege trasfëresc l’investimënt sön  strumënc y titoli plütosc püch ‘licuidi’ y risch en media alt
-  por vigne tipo de sparagnadú des valëi la regola dla diversificaziun. L’investimënt te en PIR des rientré te en ‚portafoglio‘ plü lerch y gran – partí sö l’investimënt ia por l’ann cun capitai plü pici é da aconsié.

 

 

Persönlicher Ansprechpartner in Ihrer Raiffeisenkasse