TFR (Tratamënt de Fin Raport) te aziënda? Damí tla ponsiun complementara


I fonds dla ponsiun é sta bugn da rivaluté i contribuc deplü co le TFR, ince sce i marciá finanziars ne l‘ á nia albüda saurida (crack Lehman, la crisa di debic, Brexit). Tla perioda danter le 1° de Jená 2007 y le 31 Dezëmber 2016 él le rendimënt mesan dles linies ecuilibrades di fonds dla ponsiun  stá dl 42%, bëgn 17% plü alt co la revalutaziun dl TFR (liada al’inflaziun) che é resté tl aziënda.

Dlungia le bun rendimënt pon ciamo calcolé i vantaji fiscai:

·         I versamënc cina a en valur mascimal de 5.164,57€ po gní trac jö dales cutes

·         La tassaziun al momënt dla ponsiun é ince mëindra co le TFR tl aziënda

Eco tan che al vel le TFR maturé danter le 1° de Jená 2007 y 31 Dezëmber 2016 por faziun dla tassaziun desvalia

 

   DAVAGN     BRUTO    TFR NETO  TL‘AZIËNDA       TFR NETO TL      FOND DLA PONSIUN   VANTAJE TFR TL FOND        DLA PONSIUN IN %
 20.000,00€  10.589,00€ 

       12.576,00€ 

                 19% 
 25.000,00€  13.112,00€       15.720,00€                 20% 
 35.000,00€  18.061,00€        22.008,00€                  22% 

 60.000,00€ 

 28.877,00€        37.729,00€ 

                 31% 

 

 

Tla Talia ma 3 lauranc  sön 10 é iscric ite ala previdënza complementara, tla Regiun Trentino Alto Adige le numer aumënta a 5 sön 10.

Ciudi án pa ciamo tëma da aderí ince sce i rendimënc y vantaji fiscai é sta mius? Al pröm poste él la malcrëta, iniustificada, ti confrunc di strumënc dla previdënza. Les oblianzes y le control da pert dla COVIP tutelëia i mëmbri, por ti garantí tl dagní en bun investimënt y la defenüda dl capital.

LA CASSA RAIFFEISEN VAL BADIA VES DËIDARÁ CUN PLAJËI A COSTRUÍ EN BUN PLANN PREVIDENZIAL.

Wertpapierabteilung

Freddy
Sottara