Concurs de dessëgn Raiffeisen: “Les invenziuns müda nosta vita“

En vëndres ai 11 de ma él sté la premiaziun dla 48ejima ediziun dl concurs internazional de dessëgn Raiffeisen. Chësc ann á 377 scolares y scolars dl comun de Badia depënt les “invenziuns “.

Les invenziuns müda nosta vita”: chësc ê le tema chirí fora chësc ann pur le concurs a dessëgn che á toché les scores dl Comun de Badia. 377 partezipantes y partezipanc á realisé n dessëgn sön le tema dé dant. I dessëgns é gnüs valutá da na iuria metüda adöm da Irina Tavella, Markus Moling y Alfred Tavella. Sciöche vigni ann él gnü fat plü categories (1 y 2 ° scora elementara – 3, 4 y 5° scora elementara  de vigni paisc y 1° scora mesana – 2 °scora mesana y 3° scora mesana). Te vigni categoria él gnü chirí fora 3 dessëgns y i scolars che i á realisé á podü pié do de bí pesc sciöche rodes da munt, aparac da fá jö, amplificadus bluetooth, microscops y d’atri pesc.

La festa de premiaziun é gnüda abelida dal grup de balet dl’Uniun dl Sport da San Martin y da n curtet de clarinec dla scora de musiga Val Badia. I dessëgns che á arjunt le pröm post é gnüs mená inant pur la seleziun provinziala.

I scolars á ince tut pert a en quiz y dailó él gnü trat fora Elisa Aricó, Matteo Di Genova y Alex Miribung che á pié do en bel pest.

Le concurs á ince en fin de bëgn: por vigni dessëgn dé jö vëgnel fat na spënora de 50 cent che vá a daidé mituns che á debojëgn. Chësc ann él gnü versé dal Fond de Aiüt  Raiffeisen 5.500,00 € al „Förderverein Kinder-Palliativ Südtirol”.

 


Le proscimo ann tocarara ai scolars dl comun da Corvara, i scolars dla scora elementara da Reba y chi dl comun d' Al Plan y ai se dará jö cun le tema: “Musik bewegt – La musica emoziona”, se la confortun bel da odëi i capolaurs. 

FOTOS DLA PREMIAZIUN

FOTOS DI DESSËGNS CHE A DAVAGNÉ

Prejentaziun y dessëgns premia

Direktion

Hubert
Obwegs
Direktor
Hansjörg
Valentin
Vize Direktor
Agostino
Trebo
Vize Direktor