Jita di membri dla Cassa Raiffeisen ann 2015

Le diretur dal Cassa Raiffeisen Obwegs Hubert à podü saludé i 49 partezipan? che à tut pert al iade. Chësc ann se à portè le iade söl Lech de Garda, le plü gran lech dla Talia. An é pià ia cun le bus da doman dala Val Badia pur rové do en pice gostè a Tor

Le diretur dal Cassa Raiffeisen Obwegs Hubert à podü saludé i 49 partezipanc che à tut pert al iade. Chësc ann se à portè le iade söl Lech de Garda, le plü gran lech dla Talia. An é pià ia cun le bus da doman dala Val Badia pur rové do en pice gostè a Torbole söl Lech de Garda. Da dailò sunse jüs inant cun la barca jö por le Lech de Garda, olache an á podü amiré i bi paîsc y contrades sön les spones dl lech. Plü avisa ùnse podü ciarè al ciastel de Malcesine, ala isola dl Garda,  al Monte Baldo y ales grotes de Catullo. Cun le bel tëmp, adöm a en bun aperitif sön barca y la buna löna di partezipanc sunse spo rovà a Sirmione. Pro le restaurant Antica Contrada (www.ristoranteanticacontrada.it) ti é gnü sorvì ai partezipanc na buna marëna de pësc sön la terassa de fora dlungia le lech. Sön le pröm domisdé sunse spo jüs inant cun le motoscafo dal restaurant cina tl zënter de Sirmione, olache nosta acompagnadëssa se à cuntè la storia dl ciastel Scaligero y dl paîsc de Sirmione. Chësta vijita pur les beles contrades strëntes de Sirmione, cun sües botëghes tipiches, sües ciases storiches, sü monumënc y le florì dl sorëdl a lascè te düc i partezipanc de beliscimes impresciuns. Cun le bus sunse spo gnüs de reviers a ciasa tal Val Badia olache le diretur à rengrazié düc i sozi pur la buna colaboraziun cun la Cassa Raiffeisen.