La Cassa Raiffeisen Val Badia á tigní en vëndres 27 d’aurí 2018 süa reuniun generala por ti porté dant ai mëmbri antergnüs na relaziun sön l’ann economich tla Val Badia y Fodom y pur voté le nü consëi d’aministraziun y de control.

Le Presidënt dla Cassa Raiffeisen raj. Alfons Pezzei á podü saludé te chësta ocajiun bëgn 624  sozi che é ruvá adarlerch por l’ocajiun.

Te süa relaziun él jü ite sön la situaziun bancara en general. Al á ince baié di mëmbri: dl 2017 á la Cassa tut sö 105 sozi nüs, 25 n’él jü demez,  rovan insciö a 2.270. Al á ince porté dant na panoramica dl bilanz sozial, di contribuc che é gnüs partis fora y dl personal dla Cassa che ala fin d’ann é de 53 colaboradus a tëmp plëgn y 13 a tëmp parzial. Le Presidënt á spo porté dant na picera retrospetiva dal Cassa Raiffeisen pian ia dala fujiun.

Le diretur Dr. Obwegs Hubert, á porté dant i dac de bilanz y dles assiguraziuns dl 2017. Chisc pon ince ciafé tl monü tla relaziun che é gnüda partida fora a düc i mëmbri adöm a d’atres informaziuns.

Le Presidënt dl consëi de control raj. Verginer Frotunato á porté dant na relaziun atestan la regolarité dles scritöres contables. Le bilanz é insciö gnü aprové dai sozi presënc.

 

Le punt zentral dl’indunada generala é sënz’ater sté le lita dl nü consëi d’aministraziun y de control.

Pro le consëi de control é passada la presidënza da Dr. Fortunato Verginer a Rag. Pasquale Verginer.

 

Mëmbri efetifs é insciö:  

  Rag Pasquale Verginer  
  Dr. Fortunato Verginer  
  Dr. Paolo Vanzi  
  Dr. Daniel Ellecosta (mëmber suplënt)  
  Dr. Manuela Obojes  

 

 

L’indunada generala é gnüda arichida da na bela relaziun da pert de Konrad Palla che é ste pur tröc agn diretur general dl Raiffeisenverband. Al á recordé la buna colaboraziun danter Cassa Raiffeisen Val Badia y le Raiffeisenverband y é jü ite te iniziatives, ince  pioneristiches che é piades ia propi dal presidënt Pezzei Alfons y dal diretur da en laota Androlo Renato en particolar pur ci che reverda le setur dl assiguraziun. Al á ince recordé y rengrazié pur le tröp tëmp che ai á dediché cun savei y profescionalité a gremiums bancars fora dla Val Badia, sciöche Icrea Roma, Raiffeisen Landesbank, Raiffeisenverband, Raiffeisen Versicherungsdienst y ii.

Insciö esun spo passá ala surandada dles onoranzes pur 54 agn de sorvisc a Alfons Pezzei y 48 agn de sorvisc de Renato Andriolo

La reuniun é jüda a piz cun les onoranzes ai colaboradus August Kaneider, Paul Erlacher, Thomas Deiaco, Reinhold Pescoller, Manfrd Vanzi, Hubert Obwegs y Roland Pitscheider por sü 25 agn de sorvisc tla Cassa y cun l’estraziun di sozi che podará tó pert da d’altonn a na bela jita.

En jöbia, ai 3 de ma se á spo induné le nü consëi d’aministraziun pur voté le Presidënt y vize presidënt.

 

  Le Consëi d’aministraziun é sëgn metü adöm insciö:  

 

  PER. IND. MUTSCHLECHNER GEORG - PRESIDËNT  
  Dr. av. Complojer Franz – vize-presidënt    
  Rag. Castlunger Bruno – mëmber dl consëi    
  Thaler Christian – mëmber dl consëi    
  Dr. Pezzei Stefano - mëmber dl consëi    
  Declara Carlo – mëmber dl consëi    
  Dr. Arch. Frenner Sylvia – mëmber dl consëi   

 

 

 

Relaziun ann finanziar 2017 da desciarié

La Cassa Raiffeisen rengrazia ciamó düc i mëmbri pur la gran partezipaziun y la crëta che ai á demostré.

FOTOS INDUNADA GENERALA DLA CASSA RAIFFEISEN VAL BADIA

Direktion

Hubert
Obwegs
Direktor
Franco
Bertoldi
Vize Direktor
Agostino
Trebo