Ester mëmber – trö deplü co ester ma tliënt

Nos sun na Cassa Cooperativa y laurun sön le prinzip de Friedrich Wilhelm Raiffeisen. Nosta ativité prinzipala é chëra dla racoiüda de deponac', por mëter indô a disposiziun chisc scioldi al‘ economica locala, tla forma de credic'.

 

Al zënter dl ponsier cooperativ él la uniun de deplü porsones, por na comunité sterscia. Travert de nosta ativité de scioldi y credic' é le sostëgn sozial de vigni mëmber y dla comunité locala, nia le la ghiranza sön le davagn. 

Nos sun de nüsc mëmberi

Sciöche mëmber ne Sëis nia ma tliënt, mo ince comproprietar de nosta banca. Insciö Ëis ince le dërt sön informaziuns y trasparënza.

Ëis la poscibilité, da avëi influs sön la politica dla banca y sön le svilup dla cassa. Podëis ince avëi vijiun sön i risultac'. Ëis dërt de parora y podëis lité sura dezijiuns importantes tratan la reuniun generala anuala. Nüsc mëmbri lita ince i organs che manovrëia la banca.

Porchël é vigni 10° südtirolej nia ma tliënt mo ince mëmber de na Cassa Raiffeisen. Te Südtirol ciafunse sura 61.000 mëmbri de na Cassa Raiffeisen.

 

 

Trëi bunes rajuns por deventé mëmber

  • Fa pert a na comunité

  • Avëi le dërt de partezipaziun

  • Aprofité di vantaji di mëmbri

 

Ai mëmbri ti vëgnel reconesciü plü na gran stima. Ai po se aspetè deplü co en bun sorvisc de finanza y na consulënza competënta.  Sciöche partner Ëis le dërt a vantaji atratifs y valurs ajuntá te na comunité sterscia. 

Üsc vantaji

  • De mius condiziuns y produc‘ estlusifs, p.e. assiguraziun sanitaria ma por mëmbri

  • Valurs implü tres manifestaziuns estlusives y deplü reduziuns

  • Ester informá plü bun

Sciöche mëmber ciafëis sies iadi al ann le „Raiffeisen Magazin“ cun informaziuns atuales sura argomënc‘ de banca y assiguraziuns, schiöche ince atres coses sura le mônn Raiffeisen.

Co devënti pa mëmber?

I critêrs avisa por deventé mëmber é regolá te nosc Statut

Tla regola po vigni porsona fisica y iuridica, sciöche societês de porsones y uniuns (che operëia sön le teritore dla cooperativa) deventé mëmber. Sostanzialmënter mëssl gní fat na domanda por iscrit al cunsëi de aministraziun.

Baiede cun en nosc colaboradú, sce ëis interesc da DEVENTÈ ativamënter mëmber te nosta Cassa Raiffeisen Val Badia.