Mostra de dessëgns Raiffeisen

Invit ala mostra de dessëgns fac dai mituns dla scora mesana da Al Plan y La Pli/Fodom y dai mituns dles scores elementares da Corvara, Calfosch, La Pli/Fodom, Al Plan, Rina y La Pli.

Tl contest dl 49. Concurs internazional de dessëgn Raiffeien él gnü metü a jí dös mostres cun i dessëgns presentá.

Le tema de chësc ann é ste “La musiga emozionëia” y i scolars á albü 2 mëisc de tëmp pur creé tües “operes d’ert”.

Ai 4 d’aurí á la iuria metüda adöm da Edmund Nagler, Hubert Prousc y Irina Tavella chirí fora i trëi plü bí dessëgns de vigni categoria. Chisc gnará spó mená inant ala Federaziun dla Cassa Raiffeisen a Balsan che chir ciamó en iade fora i plü bí dessëgns da mené spo inant a na iuria a livel europeich.

 

Indöt él gnü dé jö 290 dessëgns da pert de scolars dla elementara y 123 dessëgns da pert de scolars dla scora mesana.  

Les mostres de dessëgns pon vijité dal lönesc al vëndres dales 14.45 ales 16.15

-         tl salf dla Cassa Raiffeisen a Al Plan (olache al é metüs fora i dessëgns di scolars dla elementara d’Al Plan, Rina, La Pli y dla mesana da Al Plan)

-         tla sënta dla Cassa Raiffeisen a Corvara (olache al é metüs fora i dessëgns di scolars dl elementara da Corvara/Calfosch, La Plí/Fodom y dla mesana da La Pli/Fodom)

La premiaziun instëssa é preodüda pur  en jöbia ai 9 de ma, dales 09.00 a Corvara y dales 12.00 a Al Plan. Te chësta ocajiun gnará surandé de bí pes? ai premiá da pert dl Diretur y dl Presidënt dla Cassa Raiffeisen Val Badia.

Le concurs á ince n fin de bëgn:

por vigni dessëgn fat dai scolars dará la Cassa Raiffeisen na spënora de 50 eurocenta a na istituziun che laora por mituns/jogn.

 

 

La Cassa Raiffeisen Val Badia se conforta da podëi Ves saludé.

L‘ Concurs Internazional Raiffeisen é en concurs de creativité por pici y jogn. Al vëgn bel organisé da plü de 45 agn te Südtirol y danter i stac de Deutschland, Finnland, Frankreich, Luxemburg, Österreich y Schweiz. Vigni ann vëgn dé jö plü de n miliun de proiec, te Südtirol sura 12.000. Insciö cunta le concurs tra i plü gragn concursc por jogn, sura döt le monn. 

Filialleiter

Manfred
Vanzi
Verantwortlicher
Heinz
Kaneider
Verantwortlicher
Giuseppe
Pezzei
Verantwortlicher
Arnold
Valentini
Verantwortlicher
Günther
Fistill
Verantwortlicher
Benno
Canins
Verantwortlicher
Thomas
Pescollderungg
Verantwortlicher
Peter
Kircher
Verantwortlicher