Jita di mëmbri dla Cassa Raiffeisen Val Badia 2016
En sabeda ai 24 de setëmber 2016 á podü tó pert 22 mëmbri dla Cassa Raiffeisen Val Badia adöm al partner, al diretur y al Presidënt ala jita denominada „tra ciastí y vignes” tla Val di Non.

Ince chësc ann é ste le tëmp dala nosta pert y i mëmbri estrac fora dla ola dla fortüna dala indunada generala dla Cassa Raiffeisen á podü se gode deplëgn la jita che i á porté naota a gosté sön na terassa söl Lech de Kaltern. La temperatöra cialdina y le bun gosté a fat mëte man bun la jita y i partezipanc á impü podü se conësce y se la cunté. Spo esun jüs inant cun le bus cina al zënter de sperimentaziun agrara dla Laimburg olache le diretur Dr. Michael Oberhuber se á fat na picera vijita y se á spieghé les funziuns de chësta strotöra che á festejé n ann passé sü 40 agn de esistënza y che é ormai te na posiziun de referimënt por ci che reverda l’enrescida y sperimentaziun agrara te Europa. Le diretur dla Laimburg se á spo acompagné al Felsenkeller olache an á podü degusté 2 vins blac y 2 vins cöci.

Le bus se á spo porté inant sö pur le Ju dla Mendola olache an á albü na beliscima odlada sön Kaltern y insciö sun rová tl resaurant dër conesciü “Orsogrigio” a Ronzone tl Trentino. Al se é gnü serví na marëna de degustaziun cun produc dl post y un podü ascuté le bun sonn di orghi da man che en mëmber se á tut para.

Ala fin unse ciamó vijité le Ciastel Thun che é gnü fat sö incer mez le XIII secul y é ste la sënta dla potënta familia di Thun. Le grup y jü fora pur i locai ricamënter aredá dl ciastel y la acompagnadëssa dl grup  á cunté la storia dl ciastel y de sü nobli (che avisa en chël dé se á incunté al Ciastel Thurn).

Cun le bus eson insciö piá zoruch por rové indo zoruch  tla Val Badia olache le Presidënt á ciamó tut la parora pur rengrazié i sozi dla buna colaboraziun cun la Cassa.

Fotos dla gita