I versamënc sön la posiziun individuala a bëgn dl Fond dla Ponsiun Raiffeisen po gni trac jö dala detlaraziun dl vadagn cina a n import mascim de 5.164,74€ al ann. Ince i versamënc dl datur de laûr y dependënt tres busta paga (adejiun coletiva ) po gni trat jö tl medemo limit. Te chësc cajo vëgnel fat le calcul diretamënter dal datur (Steuersubstitut) sön la busta paga. Ezeziun é le TFR, che ne po nia gni trat jö.
Al é ince la poscibilité da tra jö i versamënc fac por i familiars a carico, tres tl limit de 5.164,74€.
Sce al vëgn fat versamënc sura chësc import, mëssl gni comuniché al fond y spo al mumënt dla ponsiun o de antizipaziuns chësc import ne va nia sot al import da tassé.
Cun i paiamënc se arbassel le redito y insciö la cuta sön le redito devënta plü basa.
- Ejëmpl 1: Redito total 13.000 € – versamënt al Fond de 3.000 €
- Alicuota por la categoria fiscala di 13.000 € = 23%
- Sparagn fiscal atira de: 3.000 € * 23% = 690 € (chësc é en rendimënt sigü te 1 en ann)
- Ejëmpl 2: Redito total 40.000 € – versamënt al Fond de 3.000 €
- Alicuota por la categoria fiscala di 40.000 € = 38%
- Sparagn fiscal atira de: 3.000 € * 38% = 1.140 € (chësc é en rendimënt sigü te 1 en ann)