Jita di cumëmbri

Messner Mountain Museum Corones y Maria Saalen

Coche bel tradizion iel nce chëst'ann unì dat ora na pitla jita ntan la reunion generela di cumëmbri. Ai 2 de juni iesen po' bel daduman piei via dl viers de Reischach, ulache n à fat na pitla pausa per gusté pra la plaza dal golf. Daldò iesen furnei inant per tò la furnadoia che porta sun Plan de Corones per jì a ti cialé al Messner Mountain Museum Corones. Per fertuna fova l tëmp nia tan stlet y nsci an pudù amiré nosta montes. Nce la vijita al Museum à scialdi plajù y Emmerich Senoner, che à acumpanià i cumëmbri de nosta Cassa, à dà vel nfurmazion plu avisa sun Reinhold Messner y la nasciuda dl prioet di Museums. Cun na gran fam iesen piei dl viers dl luech de pelegrinaje Maria Saalen, ulache tla ustaria Saalerwirt an maià da marenda. Do avëi vijità la dlieja dedicheda ala Madona de Loreto fossl sta udù dant de jì a pe nchin Montal, ma ntant ovl scumencià a pluëi. Nsci ie duc deberieda furnei inò a cësa.

Speron che la jita ti ebe plajù ai cumëmbriche à tëut pert y rengraion nosta guida Emmerich.

Fotos: Dr. Anton Senoner

Persönlicher Ansprechpartner in Ihrer Raiffeisenkasse
Berater wechseln