La Cassa Raiffeisen de Sëlva se ova bele tl 2009 tëut dant de sensibilisé si tlienc jëuni de chësc vieres y ova nviá via na culaburazion cun l Safety Park de Pfatten; chësta scumenciadiva va inant per dut l 2012.

A duc i jëuni y la jëunes che cumplësc i 18 ani y che muda ntëur si cont junior o che gëura n cont nuef pra la Cassa Raiffeisen de Sëlva, vëniel finanziá n curs de furné tl Safety Park. Te cater ëura de teoria y proves pratiches mpera i jëuni a furné cun plu cuscienza, a co se astilé cun si auto te situazions de pericul sun streda, co saré ite y astilé ora periculi, avisé de contra y Tó la raides sterscies.

Ntant à bele 50 jëuni teut su l nvit de fé pea n tel curs y a duc ti a sapú scialdi bel y de utl.