A duc i jëuni y la jëunes che cumplësc i 18 ani y che muda ntëur si cont junior o che gëura n cont nuef pra la Cassa Raiffeisen de Sëlva, vëniel finanzià n curs de furné de cater ëura tl "Fahrtsicherheitszentrum" Safety park a Pfatten.

N sada ai 17 de auril 2010, à 11 jëuni y jëunes de Gherdëina, cumpaniei dal respunsabl per i jëuni dla Cassa Marcel Perathoner , pudù se ancunté a Pfatten. Do la paroles de benuni  da pert dl team dl Safety Park y na pitla ntroduzion teorica à uniun pudù to ca si auto y fé vel raida sun l percurs, for sota la istruzions di mostri dl Safety Park y nscí cun la mascima segurëza.

Sun plu sortes de asfalt, sut y mol, pudova chisc jëuni fé la sperienza de coche l auto se cumporta.L'asfalt particuler y l'ega pieta la medema carateristiches de na streda da nëif, cundizions ambienteles che vën dant per plu mënsc al ann tlo da nëus te Gherdëina.

N gran aiut pieta la tecnologia moderna, coche l'ESP, che mët inò l'auto te streda do na frazion de secunt, sce l sciafer raida l vulant tla drëta direzion.

Ala fin dl domesdì a duc i partezipanc pudù pië do n diplom. Marcel Perathoner à - a inuem dla Cassa Raiffeisen de Sëlva - rengraziá duc i partezipanc, sotrissan che per la Cassa Raiffeisen iel de gran mpurtanza pité na tel sort de segurëza.

N valguna fotos dl di
http://www.rolmedia.it/reiwo-admin/slideshow.html